உடன் பிறவா சகோதரியான கதை : பாகம் 34

“கிரிமினல்… கிரிமினல்… கிரிமினல்…!”

ஆட்சியைக் கலைக்க ‘பட்ஜெட்’டை பயன்படுத்து! 

தி.மு.க ஆளும்கட்சியாக இருக்கும்போதே, மதுரை, மருங்காபுரி தொகுதி இடைத்தேர்தல்களில் அ.தி.மு.க வென்றது.  

இத்தனைக்கும் அந்தத் தொகுதிகளில் பிரசாரம் செய்யக்கூட ஜெயலலிதா போகவில்லை. ஆனாலும் அ.தி.மு.க வென்றது.

அந்த அரசியல் ஆச்சரியம் தமிழக அரசியல் களத்தில் பதற்றத்தையும் பரபரப்பையும் ஏற்படுத்தியது.

இனி தமிழக அரசியலில் ஜெயலலிதா தவிர்க்க முடியாத சக்தி என்பதை எதிர்கட்சிகள் அனைத்தும் ஏகமானதாக உணரத் தொடங்கின.

காலம் கனிந்து வரும் நேரத்தில், ‘அரசியலைவிட்டு ஒதுங்குகிறேன்; எம்.எல்.ஏ பதவியை ராஜினாமா செய்கிறேன்’ என்று ஜெயலலிதா கடிதம் எழுதியது, அந்தக் கடிதம் முரசொலியில் வெளியானது.

அதையொட்டி நடராசன் கைது செய்யப்பட்டது என்று தமிழக அரசியல் அப்போது ட்வீஸ்டுகளால் நிரம்பிக்கிடந்தது.

யாராலும் அடுத்து என்ன என்பதைக் கணிக்க முடியாத அசாதரண சூழல்களோடு 1989-ம் ஆண்டு நகர்ந்து கொண்டிருந்தது.

அப்படிப்பட்ட குழப்பமான நேரத்தில் பட்ஜெட்டுக்காக  சட்டமன்றத்தில் தேதி குறிக்கப்பட்டது. மார்ச் 25-ம் தேதி தமிழக பட்ஜெட் கூட்டத் தொடர் நடக்கும் என்று அறிவிக்கப்பட்டது.

13 ஆண்டுகளுக்குப் பிறகு முதல் அமைச்சர் நாற்காலியில் அமர்ந்த கருணாநிதியை, அங்கிருந்து அகற்றுவதற்கான செயல் திட்டமும் அந்தக் கூட்டத்தொடரில் இருந்தே தொடங்கியது. 

அ.தி.மு.க எம்.எல்.ஏ-க்களுக்கு புது அசைன்ட்மென்ட்!

நடராஜன்

‘அரசியலைவிட்டுப் போகிறேன்’ என்று சொன்ன ஜெயலலிதாவை நடராசன் விடவில்லை.

“ஜெயலலிதாவை முதலமைச்சராக்கி, அவருக்குப் பக்கத்தில் தன் மனைவி சசிகலாவை ஆணியடித்து உட்கார வைக்க வேண்டும்” என்ற கனவில் நடராசனுக்கு 5 வருடங்கள் காத்திருக்கப் பொறுமை இல்லை.

கருணாநிதியின் அரசாங்கத்தைக் கலைத்தே தீர வேண்டும் என்று களமிறங்கினார்.

அதற்கு மார்ச் 25-ம் தேதி தொடங்கும் பட்ஜெட் கூட்டத் தொடரை எப்படிப் பயன்படுத்தலாம் என்று திட்டம் தீட்டினார்.

அந்தத் திட்டத்துக்கு ஒத்திகை பார்க்க, மார்ச் 24-ம் தேதியே அ.தி.மு.க எம்.எல்.ஏ-க்களை போயஸ் கார்டனுக்கு வரச்சொல்லி வகுப்பெடுத்தனர்.

மறுநாள் கூடப்போகும் சட்டசபையை கலவரக்களமாக மாற்ற வேண்டும் என்பதுதான் அ.தி.மு.க எம்.எல்.ஏ-க்களுக்கு கொடுக்கப்பட்ட அசைன்மென்ட். 

1989 மார்ச் 25-ம் தேதி தமிழக சட்டமன்றம் கூடியது. பட்ஜெட் கூட்டத்தொடர் என்பதால், அனைத்துக் கட்சி எம்.எல்.ஏ-க்களும் ஆஜராகி இருந்தனர்.

சபை நிரம்பி இருந்தது. சபாநாயகர் தமிழ்குடிமகன் திருக்குறள் வாசித்து அவையைத் தொடங்கிவைத்தார்.

முதல் அமைச்சர் கருணாநிதி, அமைச்சர் க.அன்பழகன் முன்வரிசையில் அமர்ந்திருந்தனர். அவர்களுக்குப் பின்னால் அமைச்சர் வீரபாண்டி ஆறுமுகம் உள்ளிட்டவர்கள் இருந்தனர்.

அதற்கும் பின்னால்தான் துரைமுருகன் உட்கார்ந்திருந்தார். எதிர்கட்சிகள் பக்கம் முதல்வரிசையில் ஜெயலலிதா அமர்ந்திருந்தார்.

அவர் முகத்தில் கோபம் கொப்பளித்துக் கொண்டிருந்தது.

அவர் உதடுகள் எதையோ முனுமுனுத்துக் கொண்டிருந்தன. ஜெயலலிதாவுக்குப் பின்னால், மற்ற எதிர்கட்சிகளின் பெண் எம்.எல்.ஏ-க்களும் இருந்தனர்.

காங்கிரஸ் எம்.எல்.ஏ பொன்னம்மாள், மார்க்சிஸ்ட் கம்யூனிஸ்ட் எம்.எல்.ஏ பாப்பா உமாநாத்தும் அந்த அவையில் நடந்தவற்றுக்கு சாட்சியாக இருந்தனர். 

கிரிமினல்.. கிரிமினல்… கிரிமினல்…

முதல் அமைச்சர் கருணாநிதி பட்ஜெட்டை வாசிக்கத் தொடங்குவதற்கு முன்பே ஜெயலலிதா கோபத்தோடு எழுந்தார்.

“நடராஜன் கைது செய்யப்பட்ட விவகாரம், தனது ராஜினாமா கடிதம் முரசொலியில் வெளியான விவகாரம்” குறித்து அவையில் விவாதிக்க வேண்டும் என்றார்.

சபாநாயகர் தமிழ்குடிமகன், “பட்ஜெட் கூட்டத் தொடரின்போது மற்ற விவகாரங்களை விவாதிக்க முடியாது. சபை விதிகளில் அதற்கு இடமில்லை. திங்கள்கிழமை நீங்கள் சொல்லும் விவகாரங்கள் குறித்த விவாதத்தை வைத்துக் கொள்ளலாம்” என்று சொல்லிவிட்டு, முதல் அமைச்சர் கருணாநிதியை பட்ஜெட்டை வாசிக்க அழைத்தார்.

கருணாநிதி பட்ஜெட்டை வாசித்தபோது, அவருக்கு எதிரில் அமர்ந்திருந்த ஜெயலலிதா, “கிரிமினல்… கிரிமினல்… கிரிமினல்…” என்று முனுமுனுத்துக் கொண்டே இருந்தார்.

அந்த வார்த்தைகள் கருணாநிதியின் காதுகளிலும் விழுந்தன.

ஆனாலும் அவர், தொடர்ந்து பட்ஜெட்டை வாசித்துக் கொண்டிருந்தார்.

அப்போது திடீரென்று எழுந்த ஜெயலலிதா, முதல் அமைச்சர் கருணாநிதிக்கு எதிரில் நின்று, அவருக்கு நேராக சுட்டுவிரலை நீட்டி “நீ ஒரு கிரிமினல்” என்று கத்தினார்.

ஒருமுறை அல்ல… இருமுறை அல்ல… பலமுறை அந்த வார்த்தையைச் சத்தம்போட்டுச் சொன்னார்.

சரியாக அந்த நேரத்தில், ஜெயலலிதாவுக்குப் பின்னால் அ.தி.மு.க எம்.எல்.ஏ-க்கள் அணிவகுக்கத் தொடங்கிவிட்டனர்.

கருணாநிதிக்கு ஏதோ விபரீதம் நடக்கப்போகிறது என்பது புரிந்துவிட்டது. ஆனாலும் அவர் பட்ஜெட்டை வாசிப்பதிலேயே குறியாக இருந்தார்.

அதில் எரிச்சல் அடைந்த ஜெயலலிதா, “நீ ஒரு கிரிமினல் குற்றவாளி…. நீ பட்ஜெட்டை படிக்க நான் அனுமதிக்கமாட்டேன்” என்று கருணாநிதியைப் பார்த்து ஒருமையில் ஆவேசமாகக் கத்தினார்.

ஒரு மாநிலத்தின் முதலமைச்சரை-மக்களால் தேர்ந்தெடுக்கப்பட்டவரை ஜெயலலிதா ஒருமையில் ‘டா’ போட்டே சட்டமன்றத்தில் பேசினார் (கம்யூனிஸ்ட் எம்.எல்.ஏ பாப்பா உமாநாத் ஜூனியர் விகடனுக்கு அளித்த பேட்டியில் அதை உறுதி செய்துள்ளார்).

ஜெயலலிதா, திருநாவுக்கரசு, கே.கே.எஸ்.எஸ்.ஆர்

துரைமுருகன் துச்சாதனன் ஆக்கப்பட்ட கதை!

கருணாநிதியின் கையில் இருந்த பட்ஜெட் பேப்பர்களில் சில பக்கங்களைப் பிடுங்கி கிழித்து எறிந்தார்.

அதோடு ‘குத்துடா அவனை’ என்ற கட்டளையும் ஜெயலலிதாவிடம் இருந்து பிறந்தது.

அந்த வார்த்தைகளைக் கேட்டதும் கருணாநிதியும் ஆவேசம் அடைந்தார். ஜெயலலிதாவைப் பார்த்து “வார்த்தைகளை அளந்து பேசவேண்டும்” என்று எச்சரித்தார்.

அதைக் கருணாநிதி சொல்லி முடிப்பதற்குள், அ.தி.மு.க எம்.எல்.ஏ-க்களில் ஒருவர் கருணாநிதியைப் பிடித்து பலமாகக் கீழே தள்ளினார்.

சுதாரித்துக் கொண்ட கருணாநிதி, கீழே விழுந்துவிடாமல் இலேசான  தள்ளாட்டத்துடன் சமாளித்துக் கொண்டார்.

ஆனால், அவருடைய மூக்குக் கண்ணாடி கழன்று விழுந்தது. உடனே, பின்வரிசையில் இருந்த வீரபாண்டி ஆறுமுகம் உள்ளிட்ட சிலர் கருணாநிதியைச் சூழ்ந்து நின்று அ.தி.மு.க-வினரை எச்சரித்தனர்.

மற்ற தி.மு.க எம்.எல்.ஏ-க்கள் ஆத்திரமடைந்து புத்தகக் கட்டுக்களை தூக்கி அ.தி.மு.க எம்.எல்.ஏ-க்கள் பக்கம் வீசி எரிந்தனர்.

பதிலுக்கு அ.தி.மு.க எம்.எல்.ஏ-க்களும் தி.மு.க எம்.எல்.ஏ-க்கள் பக்கம் புத்தகக்கட்டுகளை வீசி எரிந்தனர்.

கே.கே.எஸ்.எஸ்.ஆர் ஓடிப்போய் காங்கிரஸ் எம்.எல்.ஏ பொன்னாம்மாளின் மேஜையில் இருந்த மைக்கைக் கழற்றி வீரபாண்டி ஆறுமுகம் மண்டையைப் பிளந்தார்.

வீரபாண்டி ஆறுமுகம் அடிபட்டதும் அவரைத் தாங்கிப்பிடிக்க துரைமுருகன் ஓடிவந்தார். சட்டமன்றம் கூச்சல்களால் அதிர்ந்தது.

கருணாநிதி, பேராசிரியர் க.அன்பழகன், அமைச்சர் சாதிக் பாட்சா உள்ளிட்டவர்கள் உடனே அவையை விட்டு வெளியேறினார்கள்.

அந்த நேரத்தில் ஜெயலலிதாவிடம் இருந்து திடீரென்று “என்னைக் காப்பாற்றுங்கள்” என்று கூச்சல் கிளம்பியது.

அதையடுத்து அவரும் அ.தி.மு.க எம்.எல்.ஏ-க்களும் அவையில் இருந்து வெளியேறினார்கள். வெளியில் வந்த ஜெயலலிதா தலைவிரிகோலமாக இருந்தார்.

சேலை கிழிந்து இருந்தது. “ஜெயலலிதாவுக்கு ஒன்றும் இல்லையே… பிறகு ஏன் அவர் என்னைக் காப்பாற்றுங்கள்” என்று கத்தினார் என எதிர்கட்சி வரிசையில் அமர்ந்திருந்த மற்ற கட்சி எம்.எல்.ஏ-க்களுக்கு குழப்பமாக இருந்தது.

சட்டமன்றத்தில் இருந்து வெளியேறிய ஜெயலலிதா நேராக ராஜ் பவன் சென்றார். அன்றைய ஆளுநர் பி.சி.அலெக்சாண்டரிடம் புகார் கொடுத்தார்.

அதில், “ஆளும்கட்சி எம்.எல்.ஏ துரைமுருகன் சட்டமன்றத்தில் என் சேலையைப் பிடித்து இழுத்து என்னை மானபங்கப்படுத்த முயன்றார்” என்று குறிப்பிட்டு இருந்தார்.

அங்கிருந்து கிளம்பி போயஸ்கார்டன் வந்த ஜெயலலிதா அங்கு வைத்துப் பத்திரிகையாளர்களுக்குப் பேட்டி கொடுத்தார்.

அந்தப் பேட்டியிலும், துரைமுருகன் தன் சேலையைப் பிடித்து இழுத்து மானபங்கம் செய்ய முயன்றதாக தெரிவித்தார்.

ஆனால், உண்மையில் அன்று ஜெயலலிதாவுக்குப் பக்கத்தில் கூட துரைமுருகன் வரவில்லை.

அவர் மண்டை உடைந்த வீரபாண்டி ஆறுமுகத்தைத் தாங்கிப் பிடித்துக் கொண்டுதான் நின்றிருந்தார். ஆனால், ஜெயலலிதாவின் குற்றச்சாட்டால் தமிழக அரசியல் வரலாற்றில் துரைமுருகனுக்கு துச்சாதனன் பட்டம் கிடைத்தது.

‘ஜெயலலிதாவின் சேலையைப் பிடித்து இழுத்த துரைமுருகன்’ என்று எதிர்கட்சிகளின் மேடைகளில் இன்னமும்கூட துரைமுருகன் துகிலுரிக்கப்படுகிறார். 

டெல்லி நாடகம் தொடக்கம்!

போயஸ் கார்டனில் பத்திரிகையாளர்களுக்குப் பேட்டி கொடுத்த ஜெயலலிதா, நேராக தேவகி மருத்துவமனையில் போய் படுத்துக்கொண்டர்.

உடனே அவரை நலம் விசாரிக்க மத்திய அமைச்சர் தினேஷ் சிங்கை அனுப்பி வைத்தார் ராஜீவ் காந்தி.

அவரிடம் கருணாநிதியின் ஆட்சியைக் கலைக்க வேண்டும் என்று கோரிக்கை வைத்தார் ஜெயலலிதா.

‘இதை வைத்து எல்லாம் ஆட்சியைக் கலைக்க முடியாது’ கொஞ்சம் பொறுமையாக இருங்கள் என்று சொல்லிவிட்டு தினேஷ் சிங் மீண்டும் டெல்லி பறந்தார்.

மருத்துவமனையில் இருந்து திரும்பிய ஜெயலலிதாவும் டெல்லி விரைந்தார்.

அங்கு பிரதமர் ராஜீவ் காந்தியைச் சந்தித்தார். அந்தச் சந்திப்பிலும் மத்திய அமைச்சர் தினேஷ் சிங் உடன் இருந்தார்.

அங்கும் ஜெயலலிதா வைத்த கோரிக்கை, “கருணாநிதி ஆட்சியைக் கலைத்துவிடுங்கள். நான் காங்கிரஸூடன் கூட்டணிக்குத் தயார். இருவரும் சேர்ந்து தேர்தலைச் சந்திப்போம்” என்பதுதான்.

ராஜீவ் காந்தி என்ன சொன்னாரோ, அதன்பிறகு ஜெயலலிதா பூட்டாசிங்கை சந்தித்தார்.

ஜனாதிபதி வெங்கட்ராமனைச் சந்தித்து புகார் கொடுத்தார்.

அதன்பிறகு விறுவிறுவென டெல்லியில் காட்சிகள் மாறின.

கருணாநிதியின் ஆட்சியைக் கலைப்பதற்கான காரணங்கள் ஒவ்வொன்றாகத் தேடித்தேடி எடுக்கப்பட்டன.

கடைசியில் விடுதலைப்புலிகளுக்கு உதவினார் என்று சொல்லி 1991-ம் ஆண்டு கருணாநிதி ஆட்சி கலைக்கப்பட்டது.

அ.தி.மு.க-காங்கிரஸ் கூட்டணி ஏற்பட்டது. ஜெயலலிதா முதல் அமைச்சர் நாற்காலியை நோக்கி முன்னேற்றிப் போய்க் கொண்டிருந்தார்.

நடராசன் அவருக்குப் பின்னால் இருந்து வேகமாக காய்களை நகர்த்திக் கொண்டிருந்தார். 

தொடரும்

நன்றி : ஜோ ஸ்டாலின் இணையதளம்

சமாதான முயற்சிகளில் நோர்வேயின் அனுபவம் : பாகம் 50

ஆனந்தபுரத்தில் நடந்த இறுதி சமர்!! :

இரசாயனக் ஆயுதங்களை  பாவித்து

புலிகளை கொன்று குவித்த இராணுவம்!! 

ஆனந்தபுரத்தில்  நடந்த இறுதி சமர்!! : இரசாயனக் ஆயுங்களை  பாவித்து  புலிகளை  கொன்று குவித்த இராணுவம்!!  (சமாதான முயற்சிகளில் நோர்வேயின் அனுபவம்- 50) -சிவலிங்கம்

போரில் சிக்குண்ட மக்களை விடுவிப்பதற்கான முயற்சிகள் தீவிரமாக நடைபெற்றுக் கொண்டிருக்கையில் ஐ நா அதிகாரிகளுக்கும், புலிகளுக்குமிடையே  தொடர்புகளை ஏற்படுத்தும் முயற்சிகளும் இடம்பெற்றன.

ஐ நா உதவிச் செயலாளரான ஜோன் ஹோம்ஸ்  ( John Holmes) அவர்களுக்கும், கே பி இற்குமிடையே தொலைபேசி பரிமாறல்கள் இடம்பெற்றன.

இச் செய்தி உள்ளுர் ஊடகங்களிலே வெளியானதைத் தொடர்ந்து அப்போதைய ஜே வி பி இன் பாராளுமன்ற உறுப்பினரான விமல் வீரவன்ஸ  நோர்வேயுடனான தொடர்புகளைத் துண்டிக்குமாறு அரசைக் கோரினார்.

ஐ நா வுடன் தொடர்புகளை ஏற்படுத்துவதற்கு நோர்வே துணை புரிந்ததாக குற்றம் சாட்டினார்.

இதனால் இலங்கை  அரசு நோர்வே  தூதுவரை அழைத்து தமது கவலையை வெளியிட்டதுடன் அப் பிரச்சனை முடிவுக்கு வந்தது.

14-nadesan1-300  ஆனந்தபுரத்தில்  நடந்த இறுதி சமர்!! : இரசாயனக் ஆயுங்களை  பாவித்து  புலிகளை  கொன்று குவித்த இராணுவம்!!  (சமாதான முயற்சிகளில் நோர்வேயின் அனுபவம்- 50) -சிவலிங்கம் 14 nadesan1 300ஆனால் அமெரிக்க தூதுவர் றொபேர்ட் பிளேக்  (Robert Blake) மேலும் ஒருபடி மேலே சென்று போரில் சிக்குண்ட மக்களை விடுவிக்குமாறும், அவ்வாறு   தடுத்து வைத்திருப்பது   சர்வதேச மனித உரிமை விதிகளுக்கு முரணானது என்பதை எடுத்துரைக்கவே அம் முயற்சி எடுக்கப்பட்டதாக விளக்கம் அளித்தார்.

இவற்றிற்கு மத்தியில் நோர்வே   தரப்பினர் நடேசனுடன் நடத்திய தொலைபேசி உரையாடல் விபரங்களை 2009ம் ஆண்டு ஏப்ரல் 2ம் திகதி தமிழ் நெற் என்ற இணையத் தளம் வெளியிட்டிருந்தது.

இத் தொலைபேசி உரையாடலில் வன்னி மக்களின் நிலை குறித்து சோல்கெய்ம் உரையாடியிருந்தார்.

அவ் உரையாடலின் போது நடேசன் போர் நிறுத்தத்தினையும், பேச்சுவார்த்தையையும் வற்புறுத்தினாரே தவிர ஆயுதங்களைக் கீழே போடுவது குறித்து எதுவும் பேசவில்லை.

இந்த இழுபறி நிலை  குறித்து பத்திரிகையாளர்  டி பி எஸ் ஜெயராஜ் எழுதுகையில் அங்கு சிக்குண்ட மக்கள் வெளியேறினால் நீரில்லாமல் மீன் வாழ முடியாதது போல அவர்கள் போராடுவதை நிறுத்த வேண்டும்.

போர் நிறுத்தம் ஏற்பட்டால் மக்கள் வெளியேறத் தேவையில்லை என்ற மனித நேயமற்ற புலிகளின் நிலைப்பாடே அழிவுக்குக் காரணமாக அமைந்தது.

புலிகளும், புலி ஆதரவு சக்திகளும் போர் நிறுத்தத்தைக் கோரிய போது சர்வதேச சமூகம் முதலில் தற்காலிக போர் நிறுத்தத்தை அறிவித்து மக்களை வெளியேற அனுமதிக்கும்படி கோரியது.

ஆனால் நிரந்தர போர் நிறுத்தம் எனில் மக்களை வெளியேற்றத் தேவையில்லை என வாதித்தார்கள். இந்த இறுக்கமான நிலைப்பாடே ஒட்டுமொத்த அழிவை நோக்கி இட்டுச் சென்றது.

genocide-of-tamils-2009  ஆனந்தபுரத்தில்  நடந்த இறுதி சமர்!! : இரசாயனக் ஆயுங்களை  பாவித்து  புலிகளை  கொன்று குவித்த இராணுவம்!!  (சமாதான முயற்சிகளில் நோர்வேயின் அனுபவம்- 50) -சிவலிங்கம் genocide of tamils 2009

புலிகளின் தலைமையின் கோர மரணங்கள்

போரின் உக்கிரம் அதிகரித்துச் சென்றபோது ஐ நா செயலாளர் பான் கி மூன் ஏப்ரல் 3ம் திகதி புலிகள் மக்களைத் தடுத்து வைத்திருப்பதையும், சிறுவர்களைக் கடத்தி ஆயுதக் குழுவில் இணைப்பதையும் வன்மையாகக் கண்டித்ததோடு கனரக ஆயுதப் பாவனைக்கு எதிராக பாதிக்கப்பட்ட   மக்களைக் காப்பது அரசின் கடமை எனவும் வற்புறுத்தினார்.

இவ் அறிக்கை வெளி வந்த சமயத்தில் ராணுவம் புதுக்குடியிருப்பிற்கு அண்மையில் உள்ள ஆனந்தபுரத்தினைக் கைப்பற்ற சுற்றி வழைத்திருந்தது.

இதனை முறியடிக்க தீபன் தலைமையிலான படை அணி தயாரிப்பில் இறங்கியிருந்தது.

இறுதியில்  ராணுவத்தினால் முற்றாக சுற்றி  வழைக்கப்பட்டு   உணவு, நீர், மருந்து, ஆயுத உதவி என்பன தடுக்கப்பட்டு  விமானம், எறிகணை என கனரக ஆயுதங்களாலும், வெள்ளை பொஸ்பரஸ்  இரசாயனக் கலவைகளாலும்  அவர்களைக் கொன்று குவித்தார்கள்.

இக் கொடுமை நிறைந்த போரின் விபரங்கள் சில நாட்களில் வெளியாகியது.

சார்ள்ஸ் அன்ரனி படைப் பிரிவிலிருந்த 625 இற்கு மேற்பட்ட போராளிகளின் சடலங்கள் கண்டெடுக்கப்பட்டன.

இதுவே புலிகள் தரப்பில் ஏற்பட்ட பாரிய இழப்பு எனக் கருதப்படுகிறது. இப் போரில் 4 பெண் மூத்த போராளிகள் உட்பட 20 மூத்த போராளிகள்  மரணமடைந்தார்கள்.

கீர்த்தி, நாகேஷ், கிழக்கின் ஜெயந்தன் படைப் பிரிவின் முக்கிய போராளிகள், 80 களில் விமான  எதிர்ப்பு   ஏவுகணைகளைப் பயன்படுத்தும் பயிற்சிகளைப் பெற்றவரும், பிரபாகரனின் மெய்ப் பாதுகாவலருமாகிய கடாபி போன்றோரும் அப் போரில் இறந்தனர்.

இதுவே போரின் இறுதி முடிவைத் தீர்மானிக்கும் ஒன்றாக அமைந்ததாக அவதானிகள் கூறினர்.

இச் சம்பவம்  இடம்பெற்ற இரண்டாம் நாள் பிரித்தானிய பத்திரிகை ஒன்றில் சம்பந்தப்பட்டவர்கள் தீர்மானகரமான செயலில் உடனடியாக இறங்க வேண்டுமென ஐ நா உதவிச் செயலாளர் ஜோன் ஹோம்ஸ் பிரித்தானிய பத்திரிகை ஒன்றில் கட்டுரை வரைந்திருந்தார்.

வட மாகாண கடற்கரை ஓரங்களில் ரத்த வெள்ளம் ஓடுவதற்கான ஆபத்துக்கள் நிறைய உள்ளதால் மனிதநேய அடிப்படையில் தொண்டர்களை அனுப்பி  150,000 மதல்  190,000 வரையான மக்களைப் பாதுகாக்க வேண்டுமெனக் கோரினார்.

இந்த ஆபத்தினை அவர் ஏற்கெனவே தெரிந்திருந்தார் என்பது உணரப்பட்டது. அவர் எதிர் பார்த்தது போலவே துப்பாக்கிச் சூடு அற்ற வலையம் என அறிவிக்கப்பட்ட பகுதியில் ஏப்ரல் 8ம் திகதி பால் மாவிற்காக வரிசையில் காத்திருந்த பெண்கள், சிறுவர்கள் மீது எறிகணைத் தாக்குதல் நடத்தப்பட்டது. இதில் சுமார் 60 பொதுமக்கள் உயிர் இழந்தனர்.

இலங்கையின் புது வருட பிறப்பிற்கு முன்பதாக ஏப்ரல் 11ம் 12ம் திகதிகளான வார விடுமுறை தினத்தில் 48 மணி நேர போர் நிறுத்தத்தினை அனுசரிக்கப்ப் போவதாக மகிந்த அறிவித்தார்.

இவ் அறிவித்தலின் போது பாதுகாப்பு   வலையத்தை  நோக்கியோ அல்லது  அதனுள்ளிருந்தோ எதுவித தாக்குதலும் நடத்தப்படவில்லை. இத் தருணத்தில் சிக்குண்ட மக்களை புலிகள் விடுவித்தால் போர் நிறுத்தம் மேலும் நீடிக்கும் என பஸில் அறிவித்தார்.

தான் எதிர்பார்த்தவாறு நீடித்த போர் நிறுத்தம் ஏற்படவில்லை ஆயினும் வரவேற்றகத் தக்க முடிவு என பான் கி மூன் தெரிவித்தார்.

no_fire_zone_after.jpg.size.custom.crop.1086x627  ஆனந்தபுரத்தில்  நடந்த இறுதி சமர்!! : இரசாயனக் ஆயுங்களை  பாவித்து  புலிகளை  கொன்று குவித்த இராணுவம்!!  (சமாதான முயற்சிகளில் நோர்வேயின் அனுபவம்- 50) -சிவலிங்கம் no fire zone after

ராஜதந்திர நகர்வுகள்

போர் நிறுத்தம் அறிவிக்கப்பட்ட வேளையில் அமெரிக்க தூதுவர் பிளேக், வெளியுறவு அமைச்சர் போகொல்லாகமவுடன் தொடர்பு கொண்டு புலிகளின் முக்கியஸ்தர்கள் சிலர் சரணடைய விரும்புவதாக செய்திகள் நோர்வேயிற்கு கிடைத்துள்ளது.

அதனை அவர்கள் உங்களுடன் பகிர்ந்தார்களா? என வினவினார். அதற்குத் தாம் நோர்வே மீதான நம்பிக்கையை இழந்துவிட்டதாக அவர் தெரிவித்தார்.

அதே வேளையில் பிரச்சனைக்கு முடிவுகட்ட பாதுகாப்பு வலையங்களை நோக்கி ராணுவம் செல்வது சிக்குண்ட மக்களுக்கு மட்டுமல்ல, அரசிற்கும் பாதகமானது என றொபேர்ட் பிளேக் தெரிவித்தார்.

அத்துடன் பல உயிர்களைப் பாதுகாப்பதற்கும், புலிகள் சரணடைவதற்குமான பேச்சுவார்த்தை வாய்ப்புகளையும் அரசு தவற விட்டுள்ளதாக கூறினார்.

ஆனால் 48 மணி நேரபோர் நிறுத்தம் எவ்வாறு செல்கிறது? என்பதைப் பொறுத்துத் தீர்மானிப்போம் என அமைச்சரின் பதில் இருந்தது.

ஆனால் அவை எதுவும் எதிர்பார்த்தவாறு இருக்கவில்லை. ஏப்ரல் 12ம் திகதி நள்ளிரவுடன் போர் நிறுத்தம் முடிவடைந்ததும் வெடிச் சத்தங்கள் மீண்டும் தொடர்ந்தன.

நியூயோர்க் ஐ நா செயலகத்தில் உதவிச் செயலாளர் ஜோன் ஹோம்ஸ் 48 மணிநேரம் உதவிகளை எடுத்துச் செல்லப் போதுமானதாக இருக்கவில்லை எனவும், ரத்தக்களரி தொடர்வதற்கான அறிகுறிகள் தொடர்ந்தும் காணப்படுவதாக தெரிவித்தார்.

ஆனால் போர் நிறுத்தம் என்ற நாடகத்தை நடத்தி உலகத்தை ஏமாற்றாமல் நிபந்தனையற்ற போர் நிறுத்தத்தை அறிவித்து பேச்சவார்த்தைகளில் ஈடுபடுமாறு புலிகள் தெரிவித்தனர்.

piraba  ஆனந்தபுரத்தில்  நடந்த இறுதி சமர்!! : இரசாயனக் ஆயுங்களை  பாவித்து  புலிகளை  கொன்று குவித்த இராணுவம்!!  (சமாதான முயற்சிகளில் நோர்வேயின் அனுபவம்- 50) -சிவலிங்கம் piraba

ஆனால் ஆயுதங்களைக் கீழே போட்டால் மாத்திரமே நிரந்தர போர் நிறுத்தம் எனவும், பிரபாகரன், பொட்டு அம்மான் தவிர்ந்த ஏனையோருக்கு மன்னிப்பு அளிப்பதாகவும் கோதபய அமெரிக்க தூதுவருக்குத் தெரிவித்தார்.

2009ம் ஆண்டு ஏப்ரல் 16-17ம் திகதிகளில் ஐ நா செயலாளரின் பிரதம அதிகாரி விஜய் நம்பியார் போரில் சிக்கியுள்ள மக்களை விடுவிப்பதற்காக ஜனாதிபதி மகிந்தவுடன் பேச்சுவார்த்தைகளை நடத்தினார்.

அதனைத் தொடர்ந்து கூட்டுத் தலைமை நாடுகளின் அதிகாரிகளைச் சந்தித்து தற்காலிக போர் நிறுத்தத்திற்கு   அரச தரப்பினர்   ஆதரவு தர மறுப்பதாகவும், அவ்வாறு வழங்கினால் அந்த இடைவெளியில் சிறுவர்களையும், பொதுமக்களையும் ஆயுதப் பயிற்சியில் பலவந்தமாக ஈடுபடுத்த வாய்ப்பளிக்கும் எனக் கூறி எதிர்த்ததாகவும் கூறினார்.

இருப்பினும் ஐ நா அதிகாரிகளும், செஞ்சிலுவைச் சங்க அதிகாரிகளும் இணைந்து பாதுகாப்பு வலையத்திற்குள் சிக்கண்ட மக்களை வெளியேற்றும் வழி வகைகளை ஆராய்வதற்கு இணங்கியுள்ளதாகவும் தெரிவித்தார்.

vijay_CI  ஆனந்தபுரத்தில்  நடந்த இறுதி சமர்!! : இரசாயனக் ஆயுங்களை  பாவித்து  புலிகளை  கொன்று குவித்த இராணுவம்!!  (சமாதான முயற்சிகளில் நோர்வேயின் அனுபவம்- 50) -சிவலிங்கம் vijay CIவிஜய் நம்பியார் அவர்களின் வரவைக் கௌரவிக்கம் பொருட்டு அமைச்சர் போகொல்லாகம அளித்த விருந்துபசாரத்தின் போது அமெரிக்க தாதுவர் மிகவும் இறுக்கமாக சில வார்த்தைகளைப் பகிர்ந்துள்ளார்.

ஐ நா சபையின் உயர் அதிகாரிகள் போரில் சிக்குண்ட மக்களை வெளியேற்ற எடுக்கும் முயற்சிகளுக்கு ஆதரவளிக்கக்கூடாது என மக்களால் தெரிவு செய்யப்பட்ட அரசு கூறுமானால் அதனால் ஏற்படக்கூடிய விளைவுகளுக்கு ஆக்கிரமிப்பாளரே பொறுப்புக் கூறவேண்டும் எனவும், நிச்சயமாக மிக அதிக அளவிலான மக்கள் பாதிக்கப்படுவார்கள் எனவும் எச்சரித்தார்.

Robert_Blake  ஆனந்தபுரத்தில்  நடந்த இறுதி சமர்!! : இரசாயனக் ஆயுங்களை  பாவித்து  புலிகளை  கொன்று குவித்த இராணுவம்!!  (சமாதான முயற்சிகளில் நோர்வேயின் அனுபவம்- 50) -சிவலிங்கம் Robert Blakeதற்போது அதிகமான மக்கள் இறந்தமை குறித்து பல நாடுகள் கவலை அடைந்துள்ளன எனத் தெரிவித்த பிளேக் அவர்கள் இதே மாதிரியான ஒரு சம்பவம் ருவாண்டாவில் இடம்பெற்ற போது சர்வதேச சமூகம் அதனைத் தடுக்க எதுவுமே செய்யவில்லை.

தம்மை ராணுவத் தீர்வை நோக்கிச் செல்லவே மக்கள் தெரிவு செய்தார்கள் என இலங்கை அரசு கூறுமாயின் அவை சர்வதேச விமர்சனத்தை மேலும் அதிகரிக்கவும், அவற்றை நிவர்த்திப்பதற்கான முயற்சிகளை எடுக்கவும் தூண்டும்.

அவை சர்வதேச உதவிகளை இடை நிறுத்தவும், உலக வங்கி கடன்களுக்கான நிபந்தனைகளை அதிகரிக்கவும், போர்க் குற்றத்தினை சுமத்தவுமான நடவடிக்கைகளை மேற்கொள்ள தூண்டலாம் என எச்சரித்தார்.

இந் நிலமைகள் குறித்து எரிக் சொல்கெய்ம் தனது அனுபவங்களைப் பின்வருமாறு விபரிக்கிறார்.

… போராளிகளையும், மக்களையும் காப்பாற்றும் பொருட்டு போரை முறைப்படி முடித்து வைக்குமாறு புலிகளை பல்வேறு வழிகளில் கேட்டிருந்தோம்.

அவர்களுடன் தொடர்பு கொள்ள எமக்கு இரண்டு வழிகளே இருந்தன. அவை தொலைபேசி அடுத்தது புலித்தேவன், நடேசன் என்போராகும். இவர்களது தொடர்பகளும் மிகவும் நலிந்து கொண்டே சென்றன. அத்துடன் கே பி இன் தொடர்புகளும் இருந்தன.

வன்னியுடன் எமது தொடர்பு என்பது ஒரு கனவு போன்றது. எமது தகவல்கள் பிரபாகரனை எட்டினவா? என்பது குறித்து எமக்கு எதுவுமே தெரியாது.

அவர்கள் போர் நிறுத்தத்தை வற்புறுத்தினார்கள். தம்முடன் பேச வருமாறு கோரினார்கள். ஆனால் அது பிரபாகரனுடன் அல்ல. நடேசனுடன் மட்டுமே.

KP-Pathmanathan  ஆனந்தபுரத்தில்  நடந்த இறுதி சமர்!! : இரசாயனக் ஆயுங்களை  பாவித்து  புலிகளை  கொன்று குவித்த இராணுவம்!!  (சமாதான முயற்சிகளில் நோர்வேயின் அனுபவம்- 50) -சிவலிங்கம் KP Pathmanathanபுலிகள் கனவுலகத்தில் வாழ்வதாக கே பி கூறினார். உலகத்துடன் எதுவித தொடர்பும் அற்று அற்புதங்கள் நடக்குமென நம்புகிறார்கள்.

எதிர்வரும் இந்திய லோகசபை தேர்தலில் பி ஜே பி வெற்றி  பெறுவார்கள் எனவும், அவர்கள் தம்மைக் காப்பாற்றுவார்கள் எனவும் நம்பினர்.

அடுத்து புலம்பெயர் தமிழர்கள் மேற்குலக நாடுகளுக்கு பலமான அழுத்தங்களைக் கொடுத்து அதிசயத்தை நிகழ்த்துவார்கள் என நம்பினர்.

ஆனால் இது ஒன்றும் நிறைவேறாது என்பதை நாம் அறிந்திருந்தோம். எமது பார்வையை கே பி ஏற்றுக்கொண்டு பிரபாகரனின் எண்ணத்தை மாற்ற தாம் முயற்சிப்பதாக அவர் கூறினார்.

ஒழுங்கான முறையில் போரை முடிக்கும் எமது யோசனையை அவரும் ஏற்றார். ஆனால் அவரது செய்திகளும் பிரபாகரனைச் சென்றடைந்ததா? என்பதை அறிவது மிகவும் சிரமமாக இருந்தது…

என அவரது அனுபவம் பேசியது.

தொடரும்

Erik Solheim  அவர்களின் உதவியுடன் தயாரிக்கப்பட்ட  

TO END A CIVIL WAR என்ற நூலிலிருந்து சில பகுதிகள்.

தொகுப்பு : வி. சிவலிங்கம்

தமிழ் நேரலை செய்திகள்

Featured